A. C. Os Abrentes de Cerdedo

Os Abrentes de Cerdedo.pngDespois de 23 anos de andaina, o grupo de gaitas Os Abrentes de Cerdedo pisa un estudio de gravación para deixar recollida de forma dixital unhas pezas do seu repertorio. Publícanse en internet cinco temas, onde tres deles foron gravados neste ano 2017 en Vigo. Con esta gravación, o grupo de gaitas intenta amosar o seu traballo buscando a maior naturalidade nunha gravación realizada nunha tarde de sábado para amosar a súa frescura e espontaneidade.

Seguir lendo “A. C. Os Abrentes de Cerdedo”

Advertisements

Missa Brevis – Jacob de Haan

Missa Brevis de Jacob de Haan – Kyrie (1º Movemento)

Interpretada na Igrexa Ex-Colexiata Santa Maria de Baiona, o pasado día 14 de maio de 2017, pola Coral Polifónica San Lorenzo de Belesar, Coro Miñoca ma non toppo, e a Banda de música e coral polifónica Agrupación Musical Lira de San Miguel de Oia.

Concerto enteiro: minocamanontoppo.com

Banda de Música “Lira” de San Miguel de Oia
Director: Juan Carlos Díaz Álvarez
Coral Polifónica “Lira” de San Miguel de Oia
Director: Jorge Fernández González
Coro Miñoca ma non toppo
Director: Ángel A. Montes Abalde
Coral Polifónica de San Lorenzo de Belesar
Director: Javier Domínguez Millán

As Lingoreteiras

Moi boas! Aquí deixamos un temiña que viñeron gravar As Lingoreteiras, uns/unhas alumnos/as do Colexio Possumus de Vigo que quixeron deixar constancia da música tradicional que fan.

Participaron nestra gravación: Zaira R. Moreira, Julia Nogueira, Iria Gorrita, Paula Bosch, Eva Collazo, Sofia Silva, Eva L. Pereira, Marina Collarte, Loli Gómez e Lorenzo Pérez.

XOC!

Aquí vos deixamos un avance do tema que gravaron os de XOC (A. C. Xacarandaina, A. C. F. O Fiadeiro e Cantigas e Agarimos).

Dende ChisPún! Estudio queremos dar as grazas por poder participar na gravación do tema en conxunto destas tres asociacións que levan a paixón pola recuperación e divulgación da nosa música tradicional a tódolos rincóns do planeta.

Sen máis que engadir, por moitos anos de máis proxectos conxuntos.

Magdalena Argibay – pianista/compositora

O pasado xoves 20 de xuño desprazámonos ata o Conservatorio Superior de Música de Vigo para gravar á pianista e compositora Magdalena Argibay xunto coa soprano Teresa Novoa.
A pontevedresa Magdalena Argibay, estudante de composición e piano no mesmo centro, musicalizou varios poemas de autores coñecidos coma Curros Enriquez ou Antonio Machado.

Orquestra “O Fiadeiro” en estudio

Estamos en plena gravación da Orquestra “O Fiadeiro”, un verdadeiro luxo!

Esta formación nace polo interese da “Charanga O Fiadeiro” na recuperación das antigas orquestras tendo como referencia a Orquestra “Os Padernes” do Caurel, principalmente do seu repertorio do que se nutre dende o ano 2008. Foi en xuño de 2011 cando se presentou oficialmente este proxecto no Teatro NovaCaixaGalicia de Vigo co motivo da gravación en directo do DVD da Gala “Esta noite hai unha fia VII de oficios e labores” da A. C. F. O Fiadeiro.

Create a website or blog at WordPress.com

Subir ↑

%d bloggers like this: